SENSU (已結業)

女朋友超愛日本和牛，成日叫我陪佢去食。今晚黎到朋友介紹既和牛餐廳，主打日本和牛。餐廳Sensu，環境好chill好大好舒服，座位寬敞而且有氣氛有情調。女朋友非常滿意啊！我地一人叫左一個餐。我叫左日本國產燒牛肉丼飯。女朋友叫左國產牛肉烏冬。食物好快就上枱，牛味非常濃香！牛肉口感非常嫩滑，牛味重又突出。烏冬好煙韌。燒牛肉丼飯配上甜甜的醬汁，夠哂香甜滋味。飯粒吸哂牛味香味，加上半熟雞蛋好滿足。我叫左一個特飲，西瓜蜜桃梳打。