阿久根和牛立燒店 (已結業)

早幾晚同朋友黎左一間位於白布街既和牛立食餐廳,其實入面都有D位置俾客人坐既,我地叫左一客和牛OMAKASE刺身盛,入面有4款和牛刺身壽司,仲有魚子,柚子醬味等等,口感軟滑$168,A5刺身加入蒜同薑醬汁味道香濃。燒物叫左極上和牛定食,有味素配飯,燒A4西冷,牛舌同埋A4肉眼,肉眼好濃牛肉味,牛舌厚切有咬口,西冷啖啖肉油脂分佈好平均,呢度有各款唔同既牛肉部位可以選擇,仲有其他配菜,而且都係日本直送,想食新鮮既牛肉呢度係一個唔錯既選擇。燒鰻魚真係好正,建議去之前記得訂位。