和牛燒肉一郎 (寶漢大廈) (已結業)

高質日式燒肉放題今日約左同是牛魔王嘅friend一齊去食一直想試嘅和牛燒肉一郎（銅鑼灣漢寶大廈），餐廳座位寬敞，設有卡位。我地揀選Course C 日本黑毛和牛放題及極上花盛合，用餐時間120分鐘（598/位）是日寶箱（必食推介）一塊比兩隻手掌仲要大嘅和牛肉眼扒，紋理清晰，雪花分佈均勻，鋪有金箔，氣派非凡。肉眼扒由店裡師傅操刀炮製，三兩下已經燒好並分剪好。和牛肉眼扒入口即溶，口感細嫩，肉汁飽滿，齒頰留香，食唔停口，必食推介。極上花盛合 和牛肋肉，和牛里脊肉，里脊肉，牛外橫隔膜，豚肋肉，牛舌均捲成一朵朵盛開的花朵，灑上金箔及配有蔬菜拌盒，十分精美。睇個賣相都已經心花怒放，食指大動。牛肋肉口感嫩，帶有豐富的油脂，並帶有濃郁的牛鮮味；和牛里脊肉肉質細膩，油花較少，相對有嚼口； 里脊肉燒得較金黃在入口，油花與嚼勁的平衡； 橫隔膜與肉眼相近，油脂適度，口感軟嫩；牛舌豐盈彈牙。舟盛 新鮮大隻嘅帆立貝，鮮美多汁；大蝦鮮甜可口；原隻魷魚，燒至金黃，彈牙鮮美；嫩滑的雞塊，燒至外皮金黃，食落外脆內軟，鮮嫩多汁。海鮮船也配有南瓜，茄子，香菇等野菜。和牛薄炙壽喜燒 薄切嘅和牛快速在爐上燒兩下，沾上原隻蛋漿，更