金金日式燒肉店

營業中

休息中

好想食燒肉又唔想太大油煙，又想坐耐d靜靜地食d高質素小小既肉，揀左同朋友2個人上去銅鑼灣樓上店，感覺幾日式。什錦海之幸盛合 $118有半殼帶子2個，活蛤2隻，廣島蠔2隻，魷魚鬚同蝦2隻，最中意係食廣島蠔！勁勁大隻好多汁，記住唔好燒咁耐。澳洲黑毛和牛盛合$298有肉眼，一口牛，黑肌肉同肩胛。初初真係唔係好識分有咩唔同，原來要食落先知。最正都係和牛，因為唔算太多脂肪，眼見佢燒既時候滲岀肉汁，好好食既樣，食落唔un，好重牛味，而且仲好嫩滑。果味牛肋骨肉$68果味個名好特別，原來食落真係甜甜地，但係肉味冇和牛咁香。極上網燒一口牛$68一口牛就係一口要食晒，唔可以燒太耐，要燒到外脆脆地，入面唔係太熟先好食，入口有溶化既感覺。香草牛油一口牛$68牛油勁大夠，慢慢燒肉味好出，都入晒牛油味，感覺好邪惡。24cm壺潰牛肋骨肉  $93呢個好有步驟，首先要燒左一陣肉先，之後先浸醬汁入下味，再重覆幾次，真係要好有心機慢慢燒，就會燒得好靚。兩個人食左7百幾蚊左右，食到好飽又大滿足。