牛匠石燒 (已結業)

身邊有個食肉獸，成日都會想食牛肉嘅人，呢一間就真係唔好錯過。佢呢間日式燒肉餐廳，主打係和牛石燒，座位都算多，而且若果你好彩嘅話都可以坐喺卡位度，位置比較寬闊，而且裝修都好有具有日本嘅燒肉風格。咁食物方面我就叫咗佢哋嘅石燒A4和牛肉眼定食、柚子將豚肉combo定食，另外我再叫咗一份鹽燒粟米。你見到佢哋和牛色澤都非常之靚，雪花都好分明，而且食落都好多肉汁同好滑嫩，燒嗰陣時你都唔需要特登落油，牛肉嘅脂肪都會自己出油。另外，佢哋豚肉Cambo，當中包括左薄切豚肉、同埋豚肉粒，食落非常之有豬肉味，而且一次過滿足晒兩個願望，薄薄咁食一片或者成粒放落口度都可以，再配合埋佢哋嘅燒肉汁或者柚子汁，調高左佢哋肉質嘅味道。而每一份定食都會包括左有前菜白飯同味噌湯。最後佢哋鹽燒燒粟米都非常之特別，食落好香脆，又唔會炸得好乾，大家都可以叫你試一試！咁佢哋嘅定食套餐都配左熱茶、奶茶或者咖啡。或者你可以加$10轉做佢哋嘅特飲，咁嘢飲方面就叫咗佢哋嘅四季春。