鉄板郎 (已結業)

本來諗住食個平平哋嘅鐵板，但入到去阿姐介紹佢嘅黑無和牛肉眼扒買一送一。平均價都係$199元。$199就可以食到黑無和牛250克，就決定叫買一送一啦。個肉眼扒仲要跟一碗飯添。碗飯都好大吓㗎。之後再叫咗個$198嘅A5黑毛和牛柳鐵板。首先個肉眼扒有好多肥膏，大概有四份一至三份一都係肥肉嚟嘅。我就唔係咁鍾意食淨肥肉嘅部分。但係肉嗰度好夠牛味，非常之軟。唔使點樣咬。食第一啖已經覺得好正跟住再食個黑毛和牛柳，呢個部位仲林。入口即溶嘅感覺。牛肉味比肉眼更加濃郁。雖然貴啲，份量又少啲，但都值得。一定會再返嚟食下其他平價嘅鐵板，睇吓平價鐵板嘅質素。