牛禪燒肉日本料理 (已結業)

在香港，各種唔同既燒肉都非常受港人喜愛，日式燒肉一定係第一名，識食既仲會食和牛添講緊既就係呢一間牛禪，喺銅鑼灣世貿中心呢度地點非常方便食大餐前食番個沙律先，呢一款蟹籽青蘋果絲沙律非常特別，就咁睇初初仲以為係青瓜絲添，食落口青蘋果甜甜酸酸既味道，加上佢個質地非常爽，絕對係比一般既青瓜絲好得多架叫左個小食都係本人最愛之一，椒鹽炸雞軟骨粒，細細粒好好食，而且炸得香脆金黃色，非常吸引赤鯥呢款刺身唔講得笑，師傅將佢既皮微微燻過，令魚皮質感同魚肉起左層次，食落口先香後滑，餘韻無窮，當然仲有磯煮鮑魚同埋深海池魚呢類比較受歡迎既刺身啦，估唔到食和牛既地方，刺身一樣做得出色，絕不馬虎海膽軍艦都係絕大多數人喜愛既食物之一主角來了，餐牌上可以睇到和牛既唔同部位，有次序食架，其實基本上都係由頭食到落腳，和牛基本上都唔洗燒得太熟，不過口味都係因人而異啦，半生熟應該係最香最嫩滑既除左和牛之外，燒雞翼係我鍾意食既，所以點都要食返件先牛油燒大蝦一樣咁掂，師傅巧妙地將蝦身切開，放入牛油粒，咁燒既時候牛油香氣就會慢慢滲晒入去蝦肉，非常之香呀