影片
更多
2023-05-08
1017 瀏覽
今次分享成日聽朋友話好好食嘅616牛肉火鍋專門店😋究竟係咪真係咁正呢⁉️其實肚腩都係銅鑼灣工作一段時間鳥，但係竟然一直都唔知開左間616🫢而晏晝去仲有一人一鍋或者碟頭飯套餐🍛入邊港式茶餐廳裝修☕都不失為一個平時放lunch 或者同同朋友放工gathering 嘅好落腳處特選和牛盛 HK$234令肚腩同同事讚不絕口嘅一定係呢個信州和牛拼盤🥩有瘦啲嘅牛肩胛、相對雪花感濃厚啲嘅牛腹肉同赤身❄️信州和牛同其他地方嘅和牛口味唔同嘅點在於佢真係好鮮甜、赤身入口即融，唔係好有冰鮮後解凍嘅味道🤤原來當地牛係運用蘋果飼養🍎所以信州牛特別係吸收左蘋果所含的維他命同糖分，可以話係大推😚而和牛盛每一種牛部位都有5-6塊，所以兩三個人都夠食😝滑尾龍 HK$48滑尾龍算係616嘅招牌，部位係牛後腿外側，其他火鍋店成日都會打隻蛋去好肥嘅和牛度🥚但係咁嘅處理方法只會令牛食落口更肥膩，616嘅處理手法係幾適合驚肥嘅香港~因為牛後腿外側比較瘦，為左令到肉質更鬆軟，同埋味道帶蛋香🍳加隻雞蛋落去就very good💖牛坑爪 HK$68牛坑爪原來係牛肋條🐉係肋骨間的牛柳，可想而知一黎比較瘦，二黎就好難起肉🔪所以都唔係度度有😋肚腩就
其實肚腩都係銅鑼灣工作一段時間鳥，但係竟然一直都唔知開左間616🫢而晏晝去仲有一人一鍋或者碟頭飯套餐🍛入邊港式茶餐廳裝修☕都不失為一個平時放lunch 或者同同朋友放工gathering 嘅好落腳處
特選和牛盛 HK$234
令肚腩同同事讚不絕口嘅一定係呢個信州和牛拼盤🥩有瘦啲嘅牛肩胛、相對雪花感濃厚啲嘅牛腹肉同赤身❄️信州和牛同其他地方嘅和牛口味唔同嘅點在於佢真係好鮮甜、赤身入口即融，唔係好有冰鮮後解凍嘅味道🤤原來當地牛係運用蘋果飼養🍎所以信州牛特別係吸收左蘋果所含的維他命同糖分，可以話係大推😚而和牛盛每一種牛部位都有5-6塊，所以兩三個人都夠食😝
滑尾龍 HK$48
滑尾龍算係616嘅招牌，部位係牛後腿外側，其他火鍋店成日都會打隻蛋去好肥嘅和牛度🥚但係咁嘅處理方法只會令牛食落口更肥膩，616嘅處理手法係幾適合驚肥嘅香港~因為牛後腿外側比較瘦，為左令到肉質更鬆軟，同埋味道帶蛋香🍳加隻雞蛋落去就very good💖
牛坑爪 HK$68
牛坑爪原來係牛肋條🐉係肋骨間的牛柳，可想而知一黎比較瘦，二黎就好難起肉🔪所以都唔係度度有😋肚腩就覺得瘦左啲，不過牛味都幾濃，男朋友帶女朋友仔去可以叫呢款呀😉
水蓮菜 HK$28
同識食嘅同事食飯😆佢話一定要叫水蓮菜🥒肚腩當然請教下google sensei 啦，搵到「低卡高纖助減肥消水腫」，ok唔洗諗🤣即叫，又出奇地好好食，咬落去超爽口，而且冇西芹嘅草青味🌿榮升到肚腩打邊爐必點嘅菜💓✨
都想讚下湯底，我地叫左鴛鴦沙牛湯底，沙嗲味真係超濃，一匙滿滿沙嗲醬料，加埋和牛好正🤩清湯都係牛骨湯，好有住家風味。其他小菜叫左油趣魚皮、芋絲、扇貝就相對普通啲。不過千祈唔好錯過616支裝飲品，菊花桂圓露🌼同洛神玫瑰花🌹真係幾唔錯
張貼
