影片
更多
2023-08-29
2633 瀏覽
今天與爸爸計劃於銅鑼灣吃午飯，俾我發現世貿中心11/F開咗「牛陣」的姊妹品牌「牛陣 HANARE- Platinum Label 」，主打優質食材涮涮鍋。餐廳裝修以優雅簡約日系為主，光線充足，感覺舒適寬敞，枱與枱之間有很遠嘅距離，空間及私隱度十足。⭐️鹿兒島縣產黑毛和牛壽喜燒放題，每位$489壽喜燒放題包括：鹿兒島縣產野崎牛肉、赤身肉、德島縣產阿波尾雞雞及北海道產夢之大地豚肉。前菜、刺身拼盤、天婦羅、野菜盛合及甜品，全部可以追加，優質和牛來說價錢可以接受。前菜：是日小鉢料理, 包括蟹膏豆腐、龍蝦沙律及檸檬汁海蜇，我最鍾意個蟹膏豆腐，蟹膏味濃，豆腐超順滑。刺身拼盤，帶子同甜蝦超新鮮，我encore咗兩次。天婦羅拼盤，比較特別係佢有白身魚，炸得金黃香脆可口。主角出場，野崎牛味道濃郁，每塊牛肉脂肪比例平均，都係相對較瘦嘅部份，放入鍋唔使好耐已經半熟，入口牛脂香滿滿，啖啖軟綿綿。除咗和牛，還有豚肉及雞肉，無限追加吃到飽。職員會不時過嚟幫手燒，又會教我哋點煮壽喜燒最好食。食肉之餘，還有一籃野菜盛合，比較特別有紫心蘿蔔、黑皮菇、油揚及燒豆腐等，食返啲菜中和下又可以再食過。甜品環節有驚喜，有日本卷蛋蛋
餐廳裝修以優雅簡約日系為主，光線充足，感覺舒適寬敞，枱與枱之間有很遠嘅距離，空間及私隱度十足。
⭐️鹿兒島縣產黑毛和牛壽喜燒放題，每位$489
壽喜燒放題包括：鹿兒島縣產野崎牛肉、赤身肉、德島縣產阿波尾雞雞及北海道產夢之大地豚肉。前菜、刺身拼盤、天婦羅、野菜盛合及甜品，全部可以追加，優質和牛來說價錢可以接受。
前菜：是日小鉢料理, 包括蟹膏豆腐、龍蝦沙律及檸檬汁海蜇，我最鍾意個蟹膏豆腐，蟹膏味濃，豆腐超順滑。
刺身拼盤，帶子同甜蝦超新鮮，我encore咗兩次。
天婦羅拼盤，比較特別係佢有白身魚，炸得金黃香脆可口。
主角出場，野崎牛味道濃郁，每塊牛肉脂肪比例平均，都係相對較瘦嘅部份，放入鍋唔使好耐已經半熟，入口牛脂香滿滿，啖啖軟綿綿。
除咗和牛，還有豚肉及雞肉，無限追加吃到飽。職員會不時過嚟幫手燒，又會教我哋點煮壽喜燒最好食。
食肉之餘，還有一籃野菜盛合，比較特別有紫心蘿蔔、黑皮菇、油揚及燒豆腐等，食返啲菜中和下又可以再食過。
甜品環節有驚喜，有日本卷蛋蛋糕、日式蕨餅及雪糕。當中日本卷蛋蛋糕鬆軟得來唔會太乾，入面的忌廉香軟唔甜膩，加埋紅豆🫘，層次豐富，為呢餐畫上一個完美嘅句號。
張貼
