魚味市場居酒屋 (已結業)

今日女朋友話想食日本野，咁我就帶左佢去食堅尼地城嘅魚味市場食啦。呢間餐廳上次有朋友介紹過，一直都好想試下。餐廳地方唔算好大，有10張左右嘅二人枱，裝修style似日本嘅居酒屋，周圍擺滿左酒瓶。我地分別叫左三文魚刺身、原隻牡丹蝦刺身、朴葉炭燒牛柳粒、牛肉烏冬同叉燒拉麵。三文魚刺身屬厚身，食落新鮮肥美。牡丹蝦好大隻，有手掌咁長，蝦肉爽口甘甜。女朋友就大贊個朴葉炭燒牛柳粒！真係有一大塊葉係個爐上面燒，睇住啲牛柳慢慢出煙熟，好似bbq咁。啲葉嘅香味入曬牛肉到，有種似食緊荷葉飯嘅感覺。牛柳粒入口即融，肉質好嫩活。牛肉烏冬賣相好精美 個湯底都好香下 一擺上台已經聞到 牛肉上台時仲有少少生 呢個做法相信係為左令牛肉唔會比湯搞到肉質變鞋 份量相當足 有冬菇 菜等配料 牛肉肉味夠濃 易咬開 烏冬食落唔會太淋身 順帶一提 個湯底真係好好味 非常清甜叉燒拉面同樣香味撲鼻而來 叉燒有兩大塊 仲有兩隻溏心蛋 拉面索哂啲湯汁 真係好正 湯底黎講拉面個湯底就比之前個個濃味少少 我都係鍾意牛肉個湯多啲 叉燒味道唔錯 份量岩岩係一人一碗 夠哂滿足