喫茶ちょうぼ

營業中

休息中

呢間和風喫茶店裝修幾日式，打卡都唔錯。下午剛好一入有位，呢度有我鍾意食嘅蛋包飯，我就揀左和牛漢堡蛋包飯。份量足夠，和牛漢堡多汁厚實，配上滑溜嘅蛋包飯，好滿足。另外叫咗香草青口意粉，亦都值得一試。青口夠多，意粉煮得啱啱好，又大份。蟹肉忌廉可樂餅外脆內軟，忌廉濃郁奶感滿滿，係一個唔錯嘅小食。甜品方面，宇治金時盛合整得幾靚。咖啡味卷蛋、紅豆同抹茶凍完美結合，甜而不膩，係餐後嘅完美句號。飲品方面，熱焙茶牛奶香滑，有淡淡嘅焙茶香。熱柚子綠茶清新解膩。