拉麵天王

營業中

休息中

唔係同朋友去紅磡睇演唱會， 都好少過嚟邊食飯， 原來何文田出口一出 附近已經好多嘢食 啱啱食飯時間拉麵天王已經大排長龍好彩我哋都唔係排咗好耐就入到去見到佢有個限定拉麵藍卵拉面好想食， 可惜啱啱售罄就揀咗啱晒鍾意食濃味嘅我的黑天王！一嚟到已經係撲鼻而來嘅豚骨香同黑蒜香，讓人食指大動！ 湯底濃香不膩，非常容易入口，鹹度啱曬香港人口味！叉燒切片比平時食嘅切得稍厚，且肥瘦均勻！餃子煎得微焦， 而且熱辣辣肉質豐富， 一盒有五隻， 同朋友share食都仲得😛另外朋友就選擇咗限定胡椒天王！想點一見到佢面頭啲芝士碎已經胃口大開啦！湯底嘅胡椒味調校得啱啱好，唔會蓋過豬骨湯嘅香味！最後係芝士年糕，一口一啖芝士味香濃，外面個脆皮炸到好脆口，但係裏面就熱辣辣仲拉到出絲！真係一個好出色嘅小食呀！