影片
更多
2013-08-30
27 瀏覽
因為從朋友到聽到有半價拉面，所以即刻成班人相約拉隊去試，原來係九龍灣新開嘅「Ramen Champion」，之後從朋友及網上得知呢個係曾志偉喺香港第二間開設嘅拉面場館，而食客食完麵後，可以以問卷投票，每年票數最高嘅會成為「拉麵之王」，相反票數最低嘅就要打道回日本。因為開幕頭兩日有全部食物半價優惠，所以大排長龍，好彩只係排咗20分鐘左右經已入得。內里共有6家面店，環境、擺設都非常和風，鐘意日本嘅朋友會幾鐘意呢到嘅環境。基本上入到場內就係自助形式，想去邊間買就自己去，而且綠茶都係自己去水吧到拎。另外，場內亦有免費Wifi供應，相當貼心。一入場時工作人員會先比一張電子卡，然後就可以用佢去面店叫嘢食，然後食完走嗰時喺出口嘅收銀處賣單。而點菜後面店都會比一個「Call機」比你，食客只要安坐坐位，當食物準備好「Call機」就會響，通知食客去拎，貼心心餘都好得意！今次就試咗「無限大特製拉面」 $88 半價後 $44佢主喜特點就係用豬骨+雞作湯底，味道略濃，同平時嘅豬骨湯算幾有分別，但唔慣嘅人可能會覺得有啲怪。麵條的質感還好，質感都算爽口彈牙。不過豚肉真係有啲失色，雖然層次幾靚，不過肉質麻麻、咬落有啲
因為開幕頭兩日有全部食物半價優惠，所以大排長龍，好彩只係排咗20分鐘左右經已入得。內里共有6家面店，環境、擺設都非常和風，鐘意日本嘅朋友會幾鐘意呢到嘅環境。
基本上入到場內就係自助形式，想去邊間買就自己去，而且綠茶都係自己去水吧到拎。另外，場內亦有免費Wifi供應，相當貼心。
一入場時工作人員會先比一張電子卡，然後就可以用佢去面店叫嘢食，然後食完走嗰時喺出口嘅收銀處賣單。而點菜後面店都會比一個「Call機」比你，食客只要安坐坐位，當食物準備好「Call機」就會響，通知食客去拎，貼心心餘都好得意！
今次就試咗「無限大特製拉面」 $88 半價後 $44佢主喜特點就係用豬骨+雞作湯底，味道略濃，同平時嘅豬骨湯算幾有分別，但唔慣嘅人可能會覺得有啲怪。麵條的質感還好，質感都算爽口彈牙。不過豚肉真係有啲失色，雖然層次幾靚，不過肉質麻麻、咬落有啲實。反而溏心蛋幾好食，首先賣相對辦，而且仲流心！不過最重要係「無限大」嘅面包埋溏心蛋，其他面店都要另外加錢先有笋、蛋等等。
另外，都叫咗「無限大王者餃子」 $30 半價後 $15一客六隻，餃子皮唔會太厚，都煎得幾香脆，無過燶，而且餡料豐富，有豬肉有菜，而且比例幾好，有肉感有咬口，因為試過朋友喺別店叫嘅煎餃，真係全豬油入口即用，唔太好食，反觀「無限大王者餃子」真係值得一讚！
張貼
