影片
更多
2010-11-22
13 瀏覽
19-11-2010收工要趕「下場」, 奈何「下場」地點一帶無啖好食, 唯有喺灣仔搵間茶記快快食完先過去吧. 而嚟了呢度, 純粹因為前幾日見到呢度新開, 地方好似幾乾淨而已. 叫了其中一款「常餐」, 有炒蛋多士 (亦可選溫泉蛋沙律),「和牛湯意粉」及熱奶茶一杯 ($42):-炒蛋多士: 炒蛋色水黃得很, 炒得唔算好滑, 亦鹽都無落一粒, 不過都有點蛋汁, 食落亦有蛋香, 自行灑少少鹽調味一下, 都 ok 的; 厚多士的牛油好鹹吓, 不過烘得外鬆脆內軟熟, 都幾好食.和牛湯意粉: 湯意粉竟然煮得煙韌有咬口, 第一次食茶記意粉都遇上 al dente 的質感喎, 哈哈 湯底清清的, 味道似「史雲生」, 無 MSG 粉的味道, 幾唔似茶記, 哈哈; 配料仲有鳴門卷, 味付紫菜, 粟米及蔥花 etc, 雖然食味麻麻, 但係粉飾得幾靚的; 而「和牛」就係疑似吉野家的「和風牛肉」, 薄薄的, 味道甜甜的, 亦算幾有肉味, 不過最好食當然係 d 洋蔥, 食落爽口清甜又無「辛辣」/「澀」味, 相信用嚟送飯都會好食.朋友食照燒雞扒公仔麵: 試了幾條公仔麵, 煮得幾腍吓; 又試了少少雞扒,
19-11-2010
收工要趕「下場」, 奈何「下場」地點一帶無啖好食, 唯有喺灣仔搵間茶記快快食完先過去吧. 而嚟了呢度, 純粹因為前幾日見到呢度新開, 地方好似幾乾淨而已.
叫了其中一款「常餐」, 有炒蛋多士 (亦可選溫泉蛋沙律),「和牛湯意粉」及熱奶茶一杯 ($42):-
炒蛋多士: 炒蛋色水黃得很, 炒得唔算好滑, 亦鹽都無落一粒, 不過都有點蛋汁, 食落亦有蛋香, 自行灑少少鹽調味一下, 都 ok 的; 厚多士的牛油好鹹吓, 不過烘得外鬆脆內軟熟, 都幾好食.
和牛湯意粉: 湯意粉竟然煮得煙韌有咬口, 第一次食茶記意粉都遇上 al dente 的質感喎, 哈哈 湯底清清的, 味道似「史雲生」, 無 MSG 粉的味道, 幾唔似茶記, 哈哈; 配料仲有鳴門卷, 味付紫菜, 粟米及蔥花 etc, 雖然食味麻麻, 但係粉飾得幾靚的; 而「和牛」就係疑似吉野家的「和風牛肉」, 薄薄的, 味道甜甜的, 亦算幾有肉味, 不過最好食當然係 d 洋蔥, 食落爽口清甜又無「辛辣」/「澀」味, 相信用嚟送飯都會好食.
朋友食照燒雞扒公仔麵: 試了幾條公仔麵, 煮得幾腍吓; 又試了少少雞扒, 雞肉幾腍但有點乾, 雞皮就韌韌的, 不過塗了唔少照燒醬汁, 其實都幾難會難食?
熱奶茶夠滑, 茶 vs 奶 (唔知是否又係「3.6」牌?) 約 6:4, 飲落茶味香, 無澀味, 有點似隔嚟街「灣仔版澳牛」(http://www.openrice.com/restaurant/commentdetail.htm?commentid=2060390) 的出品, 好飲喎.
環境有點「日式西餐廳」feel, 店內極乾淨, 阿姐們亦友善有禮, 不過星期五夜晚認真好冷清
埋單每人 $50 有找, 可以一試.
張貼
