影片
更多
2018-02-21
341 瀏覽
有些食肆雖然不常幫襯，但每隔一段時間，總會心思思想去吃番趟。就好似住處附近的「京林屋」，每次心癮起，想食抹茶及焙茶甜品，第一時間必定會諗起佢。趁今日仍是「新正頭」，啱啱放完農曆年假，工作還不太忙，就一於拉埋好友再訪。 記得上次嚟嘅時候，雖然已經揀左個平日嘅晚上，但抵達時，入面竟然都坐滿食客，所以今日就特意選了午市非繁忙時段入座。果然到埗時，店內只淨下一檯食客，幾乎可以包場。細看四周，裝潢跟之前沒多大改變，仍舊以柔和的淺木色為主調，配上一室和式設計及開揚嘅落地大玻璃，令整個用餐區更添明亮寬敞。翻開餐牌，食物選項同早前到訪時分別不大，甜食有雪糕、雪山、芭菲和蛋糕等，而鹹食就有蕎麥麵、讚岐烏冬、稻庭麵、京式鰻魚飯、林屋和食料理及金目鯛定食，另外亦有期間限定的鯖魚定食、照燒雞扒飯、甘栗戀人、牛乳紅豆白玉金磚及抹茶紅豆白玉金磚。由於連午飯也還沒吃，所以決定先點兩客熱食打底，再吃甜品。麵食選擇有三款，包括抹茶蕎麥麵、讚岐烏冬及稻亭麵，而且仲可以揀冷吃或熱食。選了一客熱讚岐烏冬 ($68)，麵條粗而方，用醬油湯底浸住上桌，配料唔算豐富，只得兩片魚餅及紫菜絲等，不過烏冬質感唔錯，食落滑嘟嘟，帶小麥香氣
有些食肆雖然不常幫襯，但每隔一段時間，總會心思思想去吃番趟。就好似住處附近的「京林屋」，每次心癮起，想食抹茶及焙茶甜品，第一時間必定會諗起佢。趁今日仍是「新正頭」，啱啱放完農曆年假，工作還不太忙，就一於拉埋好友再訪。 
記得上次嚟嘅時候，雖然已經揀左個平日嘅晚上，但抵達時，入面竟然都坐滿食客，所以今日就特意選了午市非繁忙時段入座。果然到埗時，店內只淨下一檯食客，幾乎可以包場。細看四周，裝潢跟之前沒多大改變，仍舊以柔和的淺木色為主調，配上一室和式設計及開揚嘅落地大玻璃，令整個用餐區更添明亮寬敞。
翻開餐牌，食物選項同早前到訪時分別不大，甜食有雪糕、雪山、芭菲和蛋糕等，而鹹食就有蕎麥麵、讚岐烏冬、稻庭麵、京式鰻魚飯、林屋和食料理及金目鯛定食，另外亦有期間限定的鯖魚定食、照燒雞扒飯、甘栗戀人、牛乳紅豆白玉金磚及抹茶紅豆白玉金磚。
由於連午飯也還沒吃，所以決定先點兩客熱食打底，再吃甜品。麵食選擇有三款，包括抹茶蕎麥麵、讚岐烏冬及稻亭麵，而且仲可以揀冷吃或熱食。選了一客熱讚岐烏冬 ($68)，麵條粗而方，用醬油湯底浸住上桌，配料唔算豐富，只得兩片魚餅及紫菜絲等，不過烏冬質感唔錯，食落滑嘟嘟，帶小麥香氣；炸魚餅甜甜地，口感彈牙，味道亦不俗。
至於另一客熱食就揀左人氣 No.1 嘅京式鰻魚飯 ($98/單品、$118/配自選茶)，鰻魚飯賣相幾夠睇頭，用上原條鰻魚切半放於飯面，再伴以蛋絲。另外托盤上就附有麵豉湯及醃漬蘿蔔。先細心打量，條鰻魚看起來既肥厚又多肉，用料毫不吝嗇，誠意十足。挾起魚肉一嘗，入口外焦香內軟綿，醬汁甜度亦剛好，加上鰻魚外層被燒過，所以食落有少少脆。至於下面嘅焙茶飯，入口柔軟而不失韌性，與鰻魚一齊吃，味道甘香濃郁。
跟餐自選茶揀左熱玄米茶，店員送上時會連同說明書，上面有詳細列出品茶的程序。呷一口，茶湯清澈鮮亮，既幽香又唔苦澀，飲完好舒服。另外亦點左杯焙茶沙冰雪糕 ($58)，頂頭是一球甘香的焙茶雪糕，而下層的沙冰，茶味亦甚濃，且甜度適中，與雪糕夾配。
甜品原本想揀限定的甘栗戀人，可惜今天缺貨，改點了這款焙茶芝士蛋糕 ($88)。先嘗伴吃的焙茶雪糕，入口茶香濃郁，奶味平衡，加上旁邊的清甜紅豆和煙韌彈牙的白玉丸子，正。至於選用了日本 Cream Cheese 同焙茶粉製作的芝士蛋糕，茶味亦非常突出，口感濕潤幼滑，令人回味。
另外呢款抹茶紅豆白玉金磚 ($88)，賣相真係非常煞食，用來呃 Like 一流，一於相機先食。多士盒邊位勁酥脆，而入面嘅麵包，口感亦很鬆軟，食落有少少牛油香同奶香。面頭的抹茶軟雪糕，質感好滑溜，抹茶味清香不澀。將吐司沾上冰淇淋，吃時冷熱交替，配埋綿密紅豆同白玉丸子，入口甜而不膩，層次豐富。此甜品製作需時，所以想吃的話，就記得要提早落柯打喇！
張貼
