影片
更多
2023-03-25
157 瀏覽
之前起KKday見到黃金海岸酒店推出《和風盛饌下午茶》優惠，預訂嘅每日頭三組可以以6折優惠購買(我哋3月10號已經訂定3月尾)今次嘅下午茶同平時英式嗰啲好唔同，呢個全日式🇯🇵 唔係以三層架放，而係日式盤，可以一次過睇晒所有野食鹹甜點都吸引😍款式算多，好難得大部份都叫啱食(✔️好食 ｜➖一般 ｜✖️唔好食)《鹹點》▶️ 三文魚櫻花蝦醬三文治✖️用三層白方包夾住三文魚櫻花蝦醬面層放咗一片片青瓜同埋一粒好香甜多汁嘅芒果🥭食落味道偏淡，淨係食到櫻花蝦味但完全冇三文魚鹹味 麵包就似嘉頓無邊白麵包嘅味道同質感▶️ 北海道帶子飯團✔️白飯撈上蟹子、切碎嘅帶子同青瓜粒，不過帶子基乎冇咁滯😢外面包咗片紫菜，但紫菜淋咗飯團味道淡，主要得米醋嘅少少酸味同青瓜味，所以我另外加咗啲日式芥末醬落去食🍙白飯質地幾飽滿黏身，似華御結嗰啲，亦好食過7仔▶️ 綠茶麵配七味粉吞拿魚➖🐟吞拿魚刺身厚切，顏色紅潤，味道唔腥，肉質鮮嫩，可以食到一層層外層唔係炙燒但微微硬身啲，口感上有層次分別🥢綠茶麵望落似蕎麥麵，旁邊有醬油可以落落去，可惜完全冇綠茶味因為煲得太耐所以啲麵又淋又易斷，都幾難食🫢▶️ 日式章魚小丸子✔️每人兩粒章魚小丸子，上面放上經典
今次嘅下午茶同平時英式嗰啲好唔同，呢個全日式🇯🇵 唔係以三層架放，而係日式盤，可以一次過睇晒所有野食
鹹甜點都吸引😍款式算多，好難得大部份都叫啱食
(✔️好食 ｜➖一般 ｜✖️唔好食)
《鹹點》
▶️ 三文魚櫻花蝦醬三文治✖️
用三層白方包夾住三文魚櫻花蝦醬
面層放咗一片片青瓜同埋一粒好香甜多汁嘅芒果🥭
食落味道偏淡，淨係食到櫻花蝦味但完全冇三文魚鹹味
麵包就似嘉頓無邊白麵包嘅味道同質感
▶️ 北海道帶子飯團✔️
白飯撈上蟹子、切碎嘅帶子同青瓜粒，不過帶子基乎冇咁滯😢
外面包咗片紫菜，但紫菜淋咗
飯團味道淡，主要得米醋嘅少少酸味同青瓜味，所以我另外加咗啲日式芥末醬落去食
🍙白飯質地幾飽滿黏身，似華御結嗰啲，亦好食過7仔
▶️ 綠茶麵配七味粉吞拿魚➖
🐟吞拿魚刺身厚切，顏色紅潤，味道唔腥，肉質鮮嫩，可以食到一層層
外層唔係炙燒但微微硬身啲，口感上有層次分別
🥢綠茶麵望落似蕎麥麵，旁邊有醬油可以落落去，可惜完全冇綠茶味
因為煲得太耐所以啲麵又淋又易斷，都幾難食🫢
▶️ 日式章魚小丸子✔️
每人兩粒章魚小丸子，上面放上經典嘅木魚絲, 紫菜同沙律醬配搭
即叫即整，所以外皮香脆，入邊就麵粉漿狀 (batter-like)，幾得意
入邊有粒好細粒嘅八爪魚🐙
雖然冇可能同日本食到嘅比較，但個人覺得算唔錯，鍾意佢唔係落咗好多沙律醬
▶️ 照燒雞肉大蔥串燒➖
感覺似超市買到嘅急凍雞肉串😅並非居酒屋嗰種
照燒汁太多，搞到好鹹，同埋冇大蔥，所以欠缺香味
🐔幸好雞肉肉質尚算ok
▶️ 炸蝦天婦羅配日式芥末醬➖
本身隻蝦好幼，所以炸出來都好幼身🍤
本人唔太好呢個，淨係試咗佢嘅炸蔬菜，都幾香脆乾身，炸粉唔厚
日式芥末醬唔攻鼻而有Wasabi香味，可以減少油膩感
——————————-———————-
《甜品》
▶️ 抹茶紅豆糯米糍✔️
超掛住日本食嘅mochi/草餅🍡
呢個係綠色嘅抹茶糯米皮包住紅豆蓉，望落幾相似
抹茶糯米皮夠薄身，少少煙韌口感，不過偏向濕潤黏身🤏🏻
欣賞佢個綠茶味幾出，入面食到一粒粒真起沙嘅紅豆🫘
▶️ 紅豆銅鑼燒✖️
似Muji買到嗰種銅鑼燒零食，兩塊pancake夾住紅豆蓉
🥞Pancake偏硬身欠缺鬆軟度，紅豆蓉就太甜
▶️ 抹茶豆腐芝士餅➖
呢個都幾講功夫，特別少少
下面係一塊圓轆轆嘅芝士餅，上面係一個半球裝嘅白朱古力杯，入面裝住啲用豆腐整嘅cream，最後放上抹茶cream同牛奶朱古力🍫
由於本身我唔太鍾意朱古力，所以覺得成個嘢好甜同漏，唯獨豆腐cream唔錯，有微微豆乳味
▶️ 北海道3.6牛乳布甸配士多啤梨✔️✔️
呢個係咁多款甜品入邊最出眾嘅一個，一個透明杯裝住白雪雪嘅布甸，上面放上切成三片嘅士多啤梨粒🍓
牛乳布甸好有牛奶香味🥛食落幼滑creamy，唔係啫喱狀👍🏻
▶️ 樱花水信玄餅配黑糖漿✖️
發現自己完全冇食過呢款甜品，成日都好想試，好想知道究竟佢透明啫喱狀咁會係咩味
呢個入邊放咗真櫻花🌸不過冇咩味嘅
估唔到食落係咁嘅口感😂好似飲緊一啖固體嘅水咁 (聯想到太空人喺太空飲水個畫面)
佢嘅黑糖漿都非常淡，所以成個食完好似冇食野咁
另外仲每人包一杯飲品，多款茶／咖啡揀，叫咗杯洋甘菊🍵驚今晚瞓唔着，聽講洋甘菊係有助睡眠的
味道清清地，似菊花茶+薰衣草
-
食物味道好一般冇話特別出眾，有啲仲好淡味🤥
多數係超市會買到嘅食物，只不過用靚啲嘅方式去擺放，感覺精緻啲，又可以一餐食晒咁多款食物
成個high tea最欣賞係佢個牛乳布甸
用餐時間為3-5pm，因為係去到先預備嘅，所以要等大約20分鐘
環境舒服，坐窗口位望游泳池景🏊🏻♂️呢個鐘數又唔多人，感覺寧靜
服務OK，幾有禮貌
優惠咗之後平均$188/人，食物夠飽肚，算抵食(不過如果原價食就唔值)
見依家KKday仲有得買，冇6折優惠但有7折，得返28-31/3咋，去食下個feel都唔錯嘅～
張貼
