一君士多 (已結業)

今日同朋友經過尖沙咀，見到間日式裝修餐廳，一開始仲以為係日本居酒屋，原來係一君士多，裝修環境確係唔錯。 坐底睇下個餐牌，見到有鮑魚既富貴麵，即時決定要點返個，仲有花膠係入面添，黎到有兩隻鮑魚，作為配料大小適中，好彈牙，花膠唔腥膠質仲好夠，唔錯；另外我地仲有點左個蠔華麵，入面有廣島蠔同花菇，蠔真係重點，食得出好鮮既蠔味，而且麵我仲選左外面極少有既銀針粉，真係驚喜中既驚喜，重點推介！ 飲品點左凍檸茶同特飲雪糕紅豆冰，飲品都睇得出係有心機既製作，紅豆煮得好軟，喜歡飲紅豆冰既會好喜歡！