Good Good (已結業)

誤打誤撞黎咗依間餐廳初嚐茶漬（茶泡飯），聽聞之所以有日本人開始製作茶漬係為咗可以迅速完食，諗到依到就覺得同餐廳規定嘅60分鐘用餐時間相映成趣…不過除咗要食得急少少之外，依餐都可以話係非常滿意。.茶湯方面使用咗熟茶，食到最尾會有少少茶澀味，不過都係享用茶漬嘅特別之處。米飯係採用日本珍珠米，吸收哂茶湯嘅精華，配上海苔﹑素菇等用料，本身對素食無感，的確估唔到無用肉類去熬湯都可以咁有鮮味。.配菜方面，玉子燒雞蛋甜味突出，每一層蛋皮都非常均勻，符合水準。最有驚喜嘅係附上一碟兩三件嘅紅蘿蔔，煲到質地非常軟綿﹑入味。比起茶湯，我更鍾意隔離個碗麵豉湯～有豆腐﹑味噌味道醇厚，熱焫焫咁飲一口～好滿足！.❍ 用餐提示餐廳有兩層，下層係吧枱，上層係普通餐桌。餐廳設計以日系白色x原木色為主，風格一致又舒服。水同餐牌都係自助式，點餐就靠係枱面上面撳制召喚staff係下層上黎。坐得都算舒服，而且餐廳燈光﹑裝修都好啱心水，仲配上成set日式餐具，食得特別開心～.如果一早計劃好黎食飯，建議預早一日於instagram上預訂咗先。到訪當日都係得翻最後一張枱，平日下午一點幾都見有一兩組客人係餐廳外面排隊。