影片
更多
2022-11-20
54 瀏覽
星期日又係搵食既時間，黎到好耐無去既土瓜灣，俾佢既大月亮吸引入黎。昵度晚市開6點，客人應該一早訂左位，6點鬆啲，2張大枱已滿，Bar枱也有人坐緊。夏日祭生蠔手掌咁大隻、好creamy, 充滿著海水味、好滑🦪🦪🦪🦪🦪🦪伴菜既海草都好好味，好爽口！將海草放上生蠔上食又另一味道層次🥰刺身五點盛：帶子 - 帶子超滑，仿似入口就會即溶，帶點青檸味，好清新。三文魚 - 三文魚刺身十分新鮮，魚油十足，入口即溶。油金魚 - 充滿油光，新鮮。深海池魚 - 入口食到佢既鮮甜，肉質爽口。大蝦 - 又鮮甜又creamy。蝦頭既蝦膏多到漏出黎🦐芝士玉子燒超香芝士和玉子味，一夾起立即見到芝士拉絲，熱食才能體會其最美好既時光😘松露半熟牛肉他他牛肉只燒表面，內面仍然係生既，好嫩好juicy,牛肉味濃郁，由於已經燒過表面，牛肉內的脂肪已開始溶化，加上松露既香和蒜蓉粒調味，超級惹味。加上柚子汁沙律菜和生洋蔥，無敵呀！青森青提豚肉卷嘩，味覺沖擊，豚肉燒得好香，配上圓碌碌大大粒既青森青提燒過後反而甜度更突出，好出色既配搭呀！脆皮風鱔真係燒得好脆，肉厚肥美、肉質彈牙🥰亞波美手羽先雞翼皮燒得香脆，加上師傅精心調味，雞皮、雞肉都非
昵度晚市開6點，客人應該一早訂左位，6點鬆啲，2張大枱已滿，Bar枱也有人坐緊。
夏日祭生蠔
手掌咁大隻、好creamy, 充滿著海水味、好滑🦪🦪🦪🦪🦪🦪
伴菜既海草都好好味，好爽口！
將海草放上生蠔上食又另一味道層次🥰
刺身五點盛：
帶子 - 帶子超滑，仿似入口就會即溶，帶點青檸味，好清新。
三文魚 - 三文魚刺身十分新鮮，魚油十足，入口即溶。
油金魚 - 充滿油光，新鮮。
深海池魚 - 入口食到佢既鮮甜，肉質爽口。
大蝦 - 又鮮甜又creamy。蝦頭既蝦膏多到漏出黎🦐
芝士玉子燒
超香芝士和玉子味，一夾起立即見到芝士拉絲，熱食才能體會其最美好既時光😘
松露半熟牛肉他他
牛肉只燒表面，內面仍然係生既，好嫩好juicy,牛肉味濃郁，由於已經燒過表面，牛肉內的脂肪已開始溶化，加上松露既香和蒜蓉粒調味，超級惹味。
加上柚子汁沙律菜和生洋蔥，無敵呀！
青森青提豚肉卷
嘩，味覺沖擊，豚肉燒得好香，配上圓碌碌大大粒既青森青提燒過後反而甜度更突出，好出色既配搭呀！
脆皮風鱔
真係燒得好脆，肉厚肥美、肉質彈牙🥰
亞波美手羽先
雞翼皮燒得香脆，加上師傅精心調味，雞皮、雞肉都非常美味！連雞翼尖都唔放過，食得乾乾淨淨😁
牛蒡素肉丸串
表面灑上紫菜碎，咬落超香濃牛蒡味，肉質帶嚼勁，又帶點辣，昵個好得，好驚喜👍🏻
明太子油揚豆腐
集合左我鐘意既明太子和油揚，正呀喂🥰
油揚原來可以燒得咁香脆，仲有豆香，加上明太子既香味和微辣，とってもおいしい！
依度服務非常好，我哋食咗2度菜係生既食物，服務員會自動幫我哋換碟。
張貼
