掌壽司 (已結業)

如果在觀塘區識搵食，除了在大商場外，這裡絕對又係一個好地方，今晚就同朋友去了朋友推介嘅壽司店，內裡裝修簡約，直望就係師傅嘅壽司吧，而座位就係在中間位置嘅餐枱，餐牌上有套餐選擇，但朋友喜歡散點嘅食物，就由她發板，先點了個貝柱蟹膏沙律，上枱都覺得超級足料大份，蟹籽在蟹膏上，香濃蟹膏配蟹籽加埋新鮮爽口沙律菜，十分清新！當然壽司亦有自己喜歡嘅帶點甜味嘅玉子壽司、肥美嘅三文魚腩壽司、燒得十分香口嘅鰻魚壽司，經火炙過嘅魷魚壽司，落單即做整體新鮮美味！而呢件海膽軍艦上嘅海膽完全放滿了海膽，海膽入口鮮味香濃，必食推介！而個吉列蝦手卷，用了香脆紫菜卷住香脆吉列蝦，入口卜卜脆，即做質素高！而這裡嘅串燒都十出色，燒骨付腸燒得外脆，入口時皮脆肉嫩之餘，骨肉即時分離；燒雞翼燒得十分香脆肉嫩，陣陣香味撲鼻！而大蔥雞肉串，嫩滑雞肉拼上爽口大蔥味道十分配合！還有在日本時都會食嘅可樂餅，蟹味忌廉可樂餅，外面十分脆口裡面帶點蟹味忌廉薯蓉，夠晒味道！看似好小嘅食量，但慢吃同埋邊食邊講真係十分滿足！店員服務亦十分殷勤有禮！可以再來之選！