民初家傳食譜 (已結業)

之前食過一次滷水腩肉蛋飯，個滷水係佢哋自己煮，勁香，今次一於外賣同媽媽食晚飯！由灣仔拎到入大西北仲暖既，但阿媽堅持要翻熱，估唔到個「思鄉雞」仲咁滑，一啲都唔鞋，d薑絲切到…可能係世界上最幼既薑絲，連埋d木耳，雞汁一齊撈飯，真係好好味😋個「咕喱茶」係佢哋個招牌菜，用湯骨同藥材煲既，又幾足料，鮮甜香濃，唔似出面d肉骨茶得個鹹字，肉骨岩岩好，一扯條肉就出黎了，正！2個餐加埋都係$103，成碗湯飲晒，d雞汁又清埋，但一d都唔口乾，老細話冇味精又冇雞粉係真既，完全真材實料。