圓山飯店 (裝修中)

今日為“冰鎮咕噜肉”而來，聽咗好多個朋友話，呢間圓山飯店啲咕嚕肉真係冇得頂，而今日個朋友又零舍鍾意，咁就同佢一齊嚟食。預咗啲餸未有咁快嚟，咁就叫一個簡單啲嘅食住先，話是話7點幾啦，都有少少肚餓。而呢樣嘢就係"皮蛋肉鬆豆腐"，係幾台式嘅一道涼拌菜，我的外國朋友對“皮蛋”係敬而遠之，而我的中醫師朋友卻說，皮蛋能清熱解毒、滋陰潤肺，好好㗎，港式嘅皮蛋瘦肉粥我諗大家都鍾意嘅，始終我哋中國人都係啱嘅，今日試吓呢個台式小食，也是頂呱呱。某次係間台式小店食咗個"台式蒜燒香腸"，先至覺得蒜片同香腸係甘夾，你如果叫我就咁食蒜片，打死我我都唔食，但夾埋香腸，兩樣嘢嘅中和作用就變成一道可口美食👍，因此今日檯面就有呢味小食；今日的重點係“冰鎮咕噜肉”，我記得嘅咕嚕肉通常會有返啲菠蘿做配菜，但係呢度仲有士多啤梨伴碟，咁成個顏色搭配就好靚喇，而且仲做咗啲煙霧後果，好仙氣飄飄的感覺，未食已經興奮，食落肉質真係好鬆化，係吃過的最好味咕嚕肉之一。另外的“油鹽水浸蜆”和“豬油渣炒時菜”亦都好好食吖。