包販子 (已結業)

同friend嚟太子聚一聚，見到呢間餐廳嘅評分唔錯，就揀咗佢啦。 排隊排咗成廿分鐘，搞到我個friend想走咁滯，不過經過我安撫，至終於等埋落去。依間餐廳都算係玩味十足，我本身幾鍾意食咕嚕肉，難得佢有個咁奇怪嘅咕嚕雞包，唔係唔挑戰呀嘛?漢堡都幾都幾大個，麵包鬆軟，雞肉炸得好鬆脆，夾住塊厚切菠蘿片，多汁又無渣，可以翻兜。另外點咗杯咖啡都幾香。除咗漢堡之外，呢路嘅西多都幾出名，下次再嚟又有其他好選擇啦。