龍泉冰室 (已結業)

龍泉冰廳農曆新年雖然唔使出去拜年，假期過後，老公阿仔留家工作/上堂，照顧一大一細一日三餐，都幾攰吓！今晚唞一唞，去茶記叫兩個外賣小菜套餐，有飯有湯，經經濟濟又一餐！晚餐我要求有魚有肉有菜，今晚呢個組合，我相當滿意！咕嚕魚柳（$68）味道甜甜酸酸，餸飯啱晒，話咁快，亞仔已經食咗半盒餸。土魷煎肉餅($78) 有五件，每件厚身，咬落肉地軟，唔乾亦唔嚡口，點喼汁食更加惹味！追加$25有埋一碟油菜，唔駛我洗菜烚菜，慳返唔少功夫。食完飯之後，老公飲老火湯，我就嘆熱奶茶，各適其適。一家三口嘅有營晚餐，總共$171，每人$60有找，物有所值！地址： 銅鑼灣蘭芳道5號地下