影片
更多
2013-03-08
75 瀏覽
對我地尼種飲食男女黎講，香港尼個彈丸之地，好似可以有無數既選擇，但基於每個人既主觀喜好，可以隊得落口既又唔係真係咁多，真正o岩口味既更加少之又少啦！禽晚約左三個靚女去食飯，其實同靚女一齊食飯，食乜野都好味架喇！那！尼次挑戰我既道德底線勒！阿哥！講野唔使咁浮誇下話，無錯，尼輪我聽到印度兩個字我就上頭架勒！差 D 聞到咖哩我就反胃呀！稍有良知既人都會杯葛佢啦！點知靚女訂左位whats app 通知我，今晚 7 點 Noble Spice 地址： 中環閣麟街37-43號祥興商業大廈7樓，重貼埋 openrice 條 link 出黎，我入去一睇，印度菜、咖哩，心諗，唔係咁大整蠱下話？無計，我係被選擇既！無權話事。大佬啊！閣麟街邊處黎架？干諾道行到上去乜都曉啦！7 字開門入到去，揀左個靚位，坐低一睇，哇！感覺超正，o岩晒 feel ，打開兩隻窗，果 D 生風自動係髮尾遊走，柔和既燈光好似可以將靚女既優點放大，喂！訓醒未呀？叫野食啦！好快大家就叫左幾味招牌野，平時我對印度野真係無好感，通常叫豬雞牛羊拎到黎都係同一種味，簡單講果種味叫唔好味，但今次就真係有突破勒！燒羊架唔肥得黎又夠軟，尼樣真係
禽晚約左三個靚女去食飯，其實同靚女一齊食飯，食乜野都好味架喇！那！尼次挑戰我既道德底線勒！阿哥！講野唔使咁浮誇下話，無錯，尼輪我聽到印度兩個字我就上頭架勒！差 D 聞到咖哩我就反胃呀！稍有良知既人都會杯葛佢啦！點知靚女訂左位whats app 通知我，今晚 7 點 Noble Spice 地址： 中環閣麟街37-43號祥興商業大廈7樓，重貼埋 openrice 條 link 出黎，我入去一睇，印度菜、咖哩，心諗，唔係咁大整蠱下話？無計，我係被選擇既！無權話事。
大佬啊！閣麟街邊處黎架？干諾道行到上去乜都曉啦！7 字開門入到去，揀左個靚位，坐低一睇，哇！感覺超正，o岩晒 feel ，打開兩隻窗，果 D 生風自動係髮尾遊走，柔和既燈光好似可以將靚女既優點放大，喂！訓醒未呀？叫野食啦！
好快大家就叫左幾味招牌野，平時我對印度野真係無好感，通常叫豬雞牛羊拎到黎都係同一種味，簡單講果種味叫唔好味，但今次就真係有突破勒！燒羊架唔肥得黎又夠軟，尼樣真係好蝦人架！燒雞人地得陣燶味，佢又燒出 D 雞味黎，一句講晒，佢可以令我對印度菜改觀啦！
除左真係有唔同既菜式之外，講個秘密俾大家知啦！事頭婆尼個女人仔，真係有 heart 架！我八到番黎原來佢以前開酒吧，所以如果大家得閒，可以三五知己，上去嗌杯野飲，學賈姨姨話齋包你精神勝利架！而家除左午市例爆之外，如果我地想坐得舒適 D ，可以選擇非繁忙時段，坐低輕談淺酌，輕輕鬆鬆好快又消磨一個晚上架啦！
點解我大力推介呢？除左一來支持下尼 D 弱勢社群，唔好俾連鎖食試，淨係識整埋 D 罐頭食物，再係咁落去，我地就無晒選擇架喇！二來禽晚同事頭婆吹水，佢話早輪唔見左隻西施仔，聽個動物心靈師講佢迷失係垃圾站，佢就三日三夜摷勻晒西貢既垃圾站，結果好在皇天不負有心人，尼 D 咁有愛心既人，煮野點會唔好食丫！三來食到好野！又發現新大陸，梗係要同大家分享下啦！係咪！
張貼