泰屋餐廳

營業中

休息中

早前去過隔離間茶餐廳，結果同事等食條魚等到我地食晒佢先蒸好，經驗太不愉快啦。但同事又要去返呢頭喎，咁就梗係唔想去隔離，要試下其他野啦，呢間泰式小餐廳，果然唔錯，抵食，值得一試。裝修方面係簡簡單單，乾淨整齊，有香港格式即泰式餐廳。座位唔算多，目測只有廿五六個位。食物選擇唔多既，都只係 fix 死果啲，就廿二種。唔怕你有選擇困難啦。我㨂咗黃咖哩牛腩飯，有咖哩香味，椰香味，比例上幾好，唔辣，但又唔會比啲椰汁搶晒啲味。牛腩係淋既，切得細細既，啱晒我既小咀。最後係杯凍奶茶，係泰式既，茶味同港式唔同，可以一試。