影片
更多
2025-01-09
168 瀏覽
咖哩必試！人情味滿滿嘅和風餐廳🫶🏻位於北角站附近嘅日式料理，舖頭燈光柔和，座位闊落。首先要講嘅係豬軟骨咖哩飯，豬軟骨燉到好入味，肉質軟滑，一D都唔硬，食落唔油膩，配埋微微辣嘅甜味咖哩，層次感豐富，好有驚喜。至於蕃茄湯烏冬，湯底嘅蕃茄味唔算好濃，烏冬麵有彈性，呢道湯烏冬係偏清淡，雞扒味道正常，整體不過不失。我同朋友食飯期間，店員見隔離枱客人起身埋單，更主動提出拍埋隔離枱俾我地多啲空間擺食物，不停主動加茶，服務超有心。整體嚟講食物味道有水準，豬軟骨咖哩飯值得一試，店員嘅服務加分唔少。無論係想同朋友小聚定係單純想食一餐好味嘅日式料理，呢度都係一個唔錯嘅選擇。如果你係北角一帶，真係可以考慮嚟試下，保證唔會失望！
位於北角站附近嘅日式料理，舖頭燈光柔和，座位闊落。
首先要講嘅係豬軟骨咖哩飯，豬軟骨燉到好入味，肉質軟滑，一D都唔硬，食落唔油膩，配埋微微辣嘅甜味咖哩，層次感豐富，好有驚喜。
至於蕃茄湯烏冬，湯底嘅蕃茄味唔算好濃，烏冬麵有彈性，呢道湯烏冬係偏清淡，雞扒味道正常，整體不過不失。
我同朋友食飯期間，店員見隔離枱客人起身埋單，更主動提出拍埋隔離枱俾我地多啲空間擺食物，不停主動加茶，服務超有心。
整體嚟講食物味道有水準，豬軟骨咖哩飯值得一試，店員嘅服務加分唔少。無論係想同朋友小聚定係單純想食一餐好味嘅日式料理，呢度都係一個唔錯嘅選擇。如果你係北角一帶，真係可以考慮嚟試下，保證唔會失望！
張貼
