星味工房 海南雞專門店 (已結業)

晚上來到聯和墟，不少餐廳已預備收舖，行過星味廚房還燈光火著，侍應亦熱情招乎，二話不說就進去了。只想簡簡單單填飽肚子，點了一客娘惹咖哩牛腩飯加一杯凍咖啡，跟餐的黃薑飯轉了白飯，只因是晚不太想食黃薑飯。等了一會就上菜了，份量讓人滿意，咖哩牛腩大兜，牛腩也多，湯大大碗夠熱，白飯也是大大碗毫不吝嗇。咖哩香而不辣，好啱口味，牛腩軟腍易咬開，半肥瘦好正，撈飯食好好味！！紅青蘿蔔豬骨湯，無味精的愛心靚湯，味濃但飲完無口渴喎，好野黎！跟餐凍飲要加5蚊，要左凍啡，餐牌寫叫哥B冰，係咪coffee冰音譯？Anyways，杯野好飲，啡夠濃夠凍又唔死甜。70蚊個人，今時今日正常價位啦，下次試下得獎嘅海南雞飯先。