桃花源 (已搬遷) 新店位置

呢度在橫街的一個習角位，如果唔係同事帶路都唔為意呢度有間食肆。午市人也不少，我們兩個人當然要搭檯。同事推薦海南雞飯，我反而叫了咖哩雞飯，因為見到隔離檯的咖哩雞好似幾正。咖哩幾好味，不是螢光咖哩亦唔太辣，同上的洋蔥、薯仔和紅蘿蔔都炆得入味，計我話仲好食過D雞。同事的海南雞飯據報都唔錯，我就覺得雞飯不夠油，佢就覺得唔油仲好。埋單咖哩雞飯35蚊，算唔錯。同事話呢度食蛇都好掂，遲D秋風起時在這裡搞多D 蛇宴都唔定。