餃餃餃子 (已結業)

利東街以全新面目見人，連帶側旁o既廈門街都旺埋一份，街上o既食肆更明顯比以前光鮮得多 。眼見會計小姐近期少咗煮飯，午餐主要都係食飯盒，所以就提議一試新開冇耐o既日式餃子店「餃餃餃子」。週四中午十二點半左右，啱啱落咗場大雨，小店門外已企有人龍，好在全部都係買外賣，二人拍門攞飛之際，剛巧有食客離開，入內正好有兩張對住廚房o既高櫈吧位等緊我地 。店子以木為主o既裝潢尚算簡潔企理。所提供o既即棄餐具、清水及四款醬油全為自助式。印於筷子套上o既「餃子物語」大多為漢字，對識睇中文o既朋友應該都好易明 。因午飯時間只有一個鐘，試業期間設定每人最低消費$50，我地就一人叫咗個午市套餐。$65包咗前菜一碟、餃子八隻、及日式咖哩飯一碗，另收加一服務費。 前菜之涼拌芽菜：芽菜爽脆，甜美又醒胃，平時唔鍾意食菜o既小肥都食到lam lam 脷 ，認真難得。 日式咖哩飯：熱辣辣o既咖哩飯香甜少辣，飯粒軟熟飽滿，份量啱啱好，食後起碼唔會過飽，感覺好健康 。 Chao Chao餃子：招牌餃子一口一隻，皮薄餡幼嫩 ，輕輕點上酸味o既「餃子醬油」可減少膩感，不過個人覺得其實唔點更為滋味。「餃餃餃子」為灣