La Serene Caffè

營業中

休息中

今日去咗SOGO感謝祭，聽朋友講書局嗰層有一間日式西餐廳好高質素，於是我哋即刻去試吓。今日係星期五，我哋下午5:30就去到餐廳門口，已經差不多滿座。餐牌選擇不多，應該是重質不重量。我哋叫咗兩個扒餐，餐飲有跟咖啡。因為是晚餐，我叫咗一杯萊斯低因咖啡，我終於感受到這間餐廳的吸引之處，因為這杯咖啡是我飲過最好飲的低因咖啡。就算是低因咖啡，完全做得出一般咖啡嘅香醇，香味濃郁。我今日想食白肉，所以我選擇左煎白鱈魚柳配檸檬柚子醋汁 $278。白鱈魚好滑，配合柚子醋汁，味道十分清新。屋企人選擇左煎西班牙黑豚豬鞍扒配燒汁 $248，我試左一小件，豬鞍肉質又滑又淋，做得十分出色。呢間餐廳真是十分受歡迎，因為門口已經排了長長等候的人龍，如果今日我不是請假去感謝祭，我估計都無機會品嚐呢間餐廳。