KLN Cafe (已結業)

睇過facebook介紹底下第一次去觀塘KLN Cafe食飯，呢間餐廳係駿業熟食巿場，一開頭行去係地下樓梯都濕立立。還以為朋友和我一起中伏，但原來入面裝潢都幾靚幾齊整，好似與朋友在party room的感覺，似去玩的餐廳多過似吃東西，而且價錢幾平。我揀左個自選餐52元，可以揀兩款餸。我揀左芝士汁配豬頸肉八爪魚腸意粉，芝士汁是我最喜愛的醬汁，豬頸肉同八爪魚腸有好多粒，幾好味。我見別人叫了意大利飯也好似好好味，認為飯也值得一試。其後，跟餐加小食或飲品半價。我們選擇了雞軟骨，當中有點甜酸醬的東西，非常好食很有滋味。其他餐廳只燒烤完就上碟，雞軟骨的份量也十分多，有很多粒。其後跟餐加飲品也是半價。於是選擇了日落日岀，是水蜜桃味特飲，當飲品上枱是覺得很神奇，因為杯中飲品的上層是紫色的，下層是橙色的，覺得十分新鮮，將水蜜桃汁攪勻後才飲用。