Artisan Cafe (已結業)

一早要去接肥髀放學，先去食個早餐，返工食茶餐廳早餐食到怕，放假有得揀，通常都會去咖啡店！呢間在天后街角，店面唔大，門口一個櫃檯，入內有幾張學校感覺嘅鐵架木桌椅，只有幾張小枱，比較迫！轉角位兩邊大玻璃窗，好光猛，早餐選擇多，先去櫃檯落單比錢，有八達通收錢，再埋位等！什菇奄列配多士（$65）新鮮做，好多新鮮什菇，好彈牙，奄列比較熟，似蛋餅多啲，幸好雞蛋仲滑！唔係老！拌碟嘅沙律以火箭菜為主，比較老，黑醋汁唔多，味道酸甜！多士鬆脆美式咖啡（$10）咖啡杯好得意，咖啡香濃，店員會問要唔要奶，牛奶另外用瓦奶瓶上，夠熱谷晒啲香味出來！啡糖要自己去櫃檯攞！好香濃！店員有禮斯文！早餐一杯香濃咖啡，醒晒！