麥當勞 (裝修中)

好少食麥當勞既我，今日下午茶時段有時間剩，想飲杯咖啡，之後就決定係麥當勞坐下，叫左杯熱既朱古力咖啡，真係無諗過俾平時飲既星巴巴質量差不多，都係咁濃郁，份量也差不多，仲要係超用心拉花，睇得又飲得，真係忍唔住影左張相。而我仲叫左呢個玫瑰味芝士蛋糕，真係好好食，唔太甜，仲有一陣花香味！芝士餅底都好食，出奇地同玫瑰原來係咁夾！睇黎麥記既cafe有進步，而價錢又俾其他咖啡連鎖店平，所以性價比係高既，間唔中都可以飲下！