咖啡空間

營業中

休息中

終於等到放假，真係好想hea一hea，同時又想去吓新地方，就走到嚟香港地Cafe喇。最愛佢幅牆，每一個包裝同宣傳單張都好靚，係舊香港風味。呢度行自助嘅，令人個人空間感更強，幾好。8款主食選擇，又唔會單一，點都會揀到野。我就揀咗肉醬意粉配意大利西西里雲吞，好好奇咩係西西里雲吞。原來係包肉嘅，感覺有d似波蘭出名嘅餃子名食。肉醬好多又多肉碎，醬汁質地岩岩好，最重要係意粉質感唔過軟。湯都好味，南瓜底，都幾濃，感覺做湯意粉又係會好正。咖啡反而就基本野，但成間餐廳感覺都已夠chill補到數。（自助但手殘倒瀉咗啲🤣）睇睇下書又口痕痕，再叫咗蛋糕同茶。杯金盞花柚子茶又幾好飲，份量又足，夠我睇完半杯書。得閒又食兩啖蛋糕，佢又唔會話好易溶，d cream好挺身，可以慢慢食。