影片
更多
2020-01-07
242 瀏覽
入去坐低睇啱想飲乜就想叫人過嚟落單，個老闆娘見到我地揮手就走埋嚟話 “一陣叫同事幫你” 咁冇問題，以為佢真係會嗌人過嚟，但老闆娘全程掛住同其他客人sell 蘭花(唔知做乜有蘭花擺賣，啲花擺到成間舖都係)，根本冇叫人嚟落單。最尾係我地自己揮手叫店員過嚟落單。咁我同友人就叫左兩杯咖啡，一杯凍嘅意式泡沫咖啡，一杯就手沖咖啡。係間舖唔多客人嘅程況下，凍 cappuccino居然要20+ 分鐘先嚟到，隨口同位女店員講左句“都等得幾耐架喎…”，店員答“因為要續杯整”，咁我都知咖啡係要續杯整嘅，難道可以十杯十杯咁同時整？我意思係就算續杯整都唔需要咁耐啦，又唔係啲咩刁鑽嘢。都算，杯咖啡係冇冰嘅，友人話口感似室溫。個層奶泡勁厚同勁“杰”，係比其他市面上嘅杰身好多。正常係要將底下啲咖啡同上層啲奶泡攪勻飲用，但由於啲奶泡太杰身，同底下嘅咖啡根本好似水溝油咁，無論攪幾大力同幾耐都係攪唔埋，由於佢係用玻璃杯裝，完全明顯見到咖啡同奶中間好似有條線，完全分開左兩層，唔會攪得埋！友人全程只係飲到底下啲齋啡，到最尾差不多飲哂先開始溝得勻，十分無奈。而我叫嘅手沖咖啡居然要等30分鐘，以我所知沖一杯手沖咖啡步驟唔多，計埋你
另外，我已經係第三次踏入呢間cafe，第一次係新開張個陣，個陣已經覺得啲枱櫈擺得好奇怪。第二次係中午去，入面好多人，我地企係度等位被冷待之後最終冇入到去食。第三次，即係今次，依然覺得枱櫈擺得好奇怪，形式似係大家樂個種快餐店， 正常餐廳或cafe以背對背形式擺啲枱櫈會正路啲。埋邊啲原木枱仲搞笑，成張係斜嘅，啲食物同飲品擺係上面係會傾斜。出面自助吧啲餐具十分騎呢，啲碗碟係日本城賣個啲比小朋友用個啲卡通膠餐具😅次次去到見到都覺得好唔美觀，好騎呢。
本人覺得呢間嘢完全唔值，佢係勝在環境好，但內部裝橫就唔多掂。我寧願飲Mac cafe 都好過飲佢。Mac cafe仲多客人啦，佢地一樣係續杯沖架喎，啲人一樣係適當時間內就取得飲品，大家都係整差不多嘅意式咖啡啫？你呢間店憑咩要人等咁耐？我敢肯定Mac cafe 嘅凍泡沫咖啡一定正常過呢間野。如非必要，今世唔會再去。完。
張貼