咖啡事多 (已結業)

又到午飯時間，和同事食完飯，咖啡癮起，之後就諗住搵個地方去飲杯咖啡，通常都係去連鎖咖啡店，但醒起係誠品書店入面有間咖啡店，開左一段時間都未試過，一於要試一次咖啡如何。咖啡位於誠品中的一個角落，去到發現原來除左飲咖啡，還有食物可選擇，首先發現原來有好多咖啡可以選擇，難得第一次，決定試下其他地方無的咖啡，揀左隻哥斯達尼加 DOTA Tarrazu, 落單時侍應已同我講，沖製這個咖啡要十五鐘時間，好彩仲有時間等。果然咖啡味好香，隔著杯蓋都聞到，飲落有微微的酸，可能係由於有果味而令到有酸的感覺，加埋淡奶後再變得香滑，整體都唔錯，只係杯咖啡較一般貴，咖啡迷應該會幾鍾意呢個地方