吉列牛忌廉烏冬專門店 (彌敦道) (已結業)

之前喺韓國已經食過類似嘅吉列牛忌廉烏冬，今次因為男朋友想食，所以就決定你旺角呢間分店試吓。餐牌見到有幾款套餐可以選擇，所以我哋就叫咗一款有吉列牛同咖喱忌廉烏冬嘅，可以試晒兩款招牌唔使諗。*吉列牛定食*吉列牛定食好快就到左，牛嘅份量比我想像中多，吉列牛炸到五成熟左右，仲有一個爐俾我哋，可以自行選擇加熱再煎，到自己適合嘅生熟度。個人比較鍾意煎到九成熟，識落冇咁韌，肉味都比較出。定食跟有飯素飯，味噌湯，小蕃茄，同芝麻醬豆腐。*咖喱忌廉烏冬*好快咖喱忌廉烏冬黎埋，面頭係一層厚厚嘅忌廉，下面就係充滿咖喱香嘅烏冬。烏冬好彈牙好煙韌，口感好好，食落咖喱都好重好香，只係少辣，唔食得辣嘅我都完全接受到。加埋軟滑嘅忌廉，成個感覺好好，入邊仲有爽口嘅菇同雞，呢個比我想像中好食好多！*牛油蜜糖單骨雞翼*我哋仲叫多咗一份小食，牛油蜜糖嘅味道唔係好出，但都會食到雞翼帶甜，即叫即炸所以熱辣辣幾好食。總括嚟講呢間餐廳環境裝修好舒服，咁岩有卡位，有景睇資源坐得又舒服，食物都唔錯又唔算太貴，有下次！