三寶潮州菜麺館 (已結業)

一個星期第二次係荔枝角食野，對呢區真喺唔算好熟悉，所以兩次都係搵地鋪餐廳，其他都係茶餐廳為主，我就揀左係朋友公司附近嘅三寶潮州菜麵館，都唔知點解會想試下佢哋嘅咖喱，先點咖喱牛腩飯，咖喱底好濃同夠辣，牛腩份量亦都好多，有一層薄嘅脂肪又夠淋，但係因為呢度主打係潮州湯麵，牛腩係好似清湯腩再淋上咖喱汁，獨立睇兩樣都好出色，好可惜產生唔到個化學作用。同埋D飯煮得爛咗D。值得一讚細細間鋪頭都有免費WIFI供應，12：30前埋單仲有9折，好可惜今日享受唔到呢個優惠。