薄荷葉泰國菜

營業中

休息中

其實知道有呢間泰菜一段時間，那晚特登嚟食，價錢係中上，但食物水準非常好，是泰國廚師做的菜喎!我好鐘意呢度D彩色天花燈，兩個人對坐，望住高高樓底，有D大彩燈，好鬼浪漫，而且又有吧檯的燈光，成個view 好靚。先來是咖喱軟殼蟹，我覺得呢個泰國咖喱做得好正，夠辣，夠香亦濃郁，食落香料味好重，特別係檸檬葉的味道，無椰味，我鐘意，而D蟹炸得好香脆，無帶太厚的粉漿味和油益味，混埋D咖喱汁一齊食，好好食，我特意叫了碗泰國絲苗飯來撈埋D咖喱汁食，好正呀。重有係個菠籮炒飯，用木桶上，重有棵香草，D賣相幾吸引，炒飯好香口，材料多，都好食。至於D蝦餅，好有蝦味，用蝦膠比例高，而有埋D麵包糠炸，無咁油，好食。