The Pudding Nouveau (已結業)

今日同朋友黎大坑食好西，揀左呢間幾chill嘅餐廳，我地兩個人決定嗌一個主食一個甜品share食，最後揀左咖喱小龍蝦多士配薯條同香蕉朱古力窩夫。呢個小龍蝦多士有驚喜，餡好足咖喱味好香唔辣，多士烤得夠香脆，仲有好多邪惡嘅芝士係面，yummy！配嘅薯條夠脆夠熱，而且仲有茄汁同黑松露沙律醬兩款可以點，真係唔錯！之後黎到窩夫，無乜特別正常水平啦，香蕉都幾多，朱古力雪糕就唔係啲大牌子雪糕黎嘅，不過同窩夫一熱一凍食口感當然好啦！唯一想講下嘅係兩碟食物差唔多時間岀，食得一樣又驚個雪糕溶，食窩夫先個多士同薯條又凍曬，真係要趕住食！