小雨天 (永吉街) (已搬遷) 新店位置

今日天氣非常之熱，與媽行中環小街小行，周圍走著不知不覺行到永吉街，見到一間餐廳，是間麵店橙紅色大大招牌那個名幾特別叫「小雨天」同今日天氣反差，反正母親大人肚餓入去嘗試食下先。入到去地方都算大，如一般香港餐廳裝潢，簡單木枱膠椅，滿清潔整齊，疫情每張枱都用膠板阻隔。打開餐牌種類都算多有飯有麵。價錢上中環來說真的不算貴。心想咁嘅價錢不會太好食吧！我點了碗咖喱牛腩通粉，上菜速度都快，我先飲了一口湯，估不到咖喱味又香又濃厚又夠辣，牛腩略為肥了少少但好入味又好腍，大白菜完全吸收了湯精華酸酸辣辣好好食😋，通粉爽口唔會硬。