影片
更多
2008-03-14
231 瀏覽
我個好朋友【肥豪】,雖然話九龍住及工作,但凡我休息,佢都會山長水遠到新界,join我到上水呢間茶餐廳,唔係飲茶就係午飯。上星期唔知點解突然休星期四,但今次打電話去問,竟然又正常營業喎!?約三點左右去到,泊好車後入內,當時堂食人客較少。坐低後【肥豪】叫『咖喱乾煎豬扒飯$35元』,我就叫下午茶餐『西多士+凍奶茶$17元』。『咖喱乾煎豬扒飯』,齋講賣相已經直逼高級西餐廳,加多幾塊炸香多士,同埋有鮮茄及蔬菜伴碟。另一大碗咖喱及一大碟白飯分開上。【肥豪】話咖喱味道香而濃郁,豬扒好薄炸得好香唔硬,飯口感亦好好,伴碟多士好脆口好香但幾油膩。之後現場堂食客越多,差唔多坐滿哂,眼見十個七八個都係食咖喱,證明咖喱係鎮鋪之寶。西多先由廚房炸好,顏色金黃炸得唔焦,太子女Suki手捧西多出水吧,再由佢親自操刀,將一塊正方形西多,切成四塊菱形,再均勻醮上糖漿及些微白沙糖,賣相真係少見兼有心思。我飲果杯凍奶茶,坦白講就真係麻麻,唔夠溶及唔夠奶味濃郁,呢方面就真係要減分啦!現場環境就真係麻麻,(椅)係用金屬面,充滿油膩唔得乾淨,地下濕淋淋好怕跣襯,希望佢地會改善下。但就硬係好多人幫襯,可能真係食物出品掂,呢下就真係靠
上星期唔知點解突然休星期四,但今次打電話去問,竟然又正常營業喎!?
約三點左右去到,泊好車後入內,當時堂食人客較少。坐低後【肥豪】叫『咖喱乾煎豬扒飯$35元』,我就叫下午茶餐『西多士+凍奶茶$17元』。
『咖喱乾煎豬扒飯』,齋講賣相已經直逼高級西餐廳,加多幾塊炸香多士,同埋有鮮茄及蔬菜伴碟。另一大碗咖喱及一大碟白飯分開上。【肥豪】話咖喱味道香而濃郁,豬扒好薄炸得好香唔硬,飯口感亦好好,伴碟多士好脆口好香但幾油膩。
之後現場堂食客越多,差唔多坐滿哂,眼見十個七八個都係食咖喱,證明咖喱係鎮鋪之寶。
西多先由廚房炸好,顏色金黃炸得唔焦,太子女Suki手捧西多出水吧,再由佢親自操刀,將一塊正方形西多,切成四塊菱形,再均勻醮上糖漿及些微白沙糖,賣相真係少見兼有心思。
我飲果杯凍奶茶,坦白講就真係麻麻,唔夠溶及唔夠奶味濃郁,呢方面就真係要減分啦!
現場環境就真係麻麻,(椅)係用金屬面,充滿油膩唔得乾淨,地下濕淋淋好怕跣襯,希望佢地會改善下。但就硬係好多人幫襯,可能真係食物出品掂,呢下就真係靠實力,吹佢唔脹...哈!下次唔駛講一定會再幫襯~
張貼
