金記冰室 (已結業)

見客, 又來到灣仔, 好, 又同同事去金記先!(錢要留番來買狗糧,我只可以食金記……)今日好餓,就重手少少, 好,咖喱牛腩農夫包咖喱好香, 牛腩好有牛味, 夠林身, 無渣包外脆內軟, 香口而且入面仲有飯, 完全適合我這種食量驚人的女生! 因為extra 有碗汁, 真係好開胃,好得我一個人食晒所有, 係,係所有, 連個包都食晒, 同行同事呆晒~~~~~~~~但係我竟然仲有少少空虛感最後叫左佢:雪糕紅豆冰(同事見我叫又跟風)紅豆都ok大粒, 粉糧足, 夠大杯, 雪糕同紅豆溶混合起來真是好香, 我跟同事都飲到見低!成餐飯大件夾抵食!!! 而且好味!就此, 多謝收看(鞠躬)