麥金.麥金馬來西亞特式茶啡室 (已結業)

星期五晚唔煮飯，同老公一齊出街食晚餐。椰香咖央多士多士烘到好脆身，咖央味好香，一個人食晒都唔夠喉。馬拉沙嗲串燒叫左雞、豬、牛各一串，雞同豬肉質爽滑，牛肉正常發揮，好惹味，好好食。參巴魷魚+參巴椰漿飯除左辣既魷魚，配料仲有青瓜、花生、乾魚仔、薯仔、半隻蛋、辣醬，加埋椰醬飯，非常豐富又香口。蛋黃奶油勁量雞扒撈出前一丁一睇就知好邪惡，雞扒厚身，肉質嫩滑，出前一撈埋蛋黃奶油，不能邪惡更多。椰汁斑蘭冰可以揀少冰少甜，椰汁味好出，飲品顏色好靚。