至友美點

營業中

休息中

轉彎間車仔麵排晒長龍，見到呢間老牌點心就入咗嚟，睇吓食唔食到懷舊嘅味道。 見到餐牌款式都多，特點同小點價錢都唔係相差好遠。先來係個皮乾到會粉碎嘅蝦餃，咬咗一啖，我就淨係夾左個餡出嚟，冇食個皮。餡還可以，蝦肉彈牙，調味帶甜。排骨飯，飯有點濕， 排骨味道幾好，鹹豆豉味剛好，排骨鬆化但略為鬆過火。不過全餐我覺得最好食係呢個蒸飯的了。腸粉皮又係乾，冇米香。豬膶還可以， 用重薑絲醃過。蘿蔔糕好粉，調味欠奉，不靠醬汁就冇味。這個應該是小籠菜肉包，慘了完全不是小籠包，反而是菜肉包的味道。同樣皮乾，湯汁只有小小。