喜萬年酒樓

營業中

休息中

所謂的點心，以我理解係應該精緻點、似小小的一點心意。喜萬年收費都唔平，不過都好老實講，呢度好「均真」，會比返大啲份量我地，大到睇落已經唔似點心啦！XO醬煎腸粉唔味道夠平均，有啲太淡 、有啲又好咸好大陣味。另外都煎得唔夠爽身、似食緊蒸腸粉多啲。味道都香香辣辣、證明有落XO醬。餃子「好好好」大隻、仲有3隻咁多!好佩服皮唔算厚都可以唔穿、包到好多好多肉個外層有少許太多油啦，勝在肉餡好足、肉汁鮮味。其他點都係大大的，好似燒賣上面好多蟹籽，皮有彈性豬肉餡亦都相當豐富、好有咬口。鳳爪太重味，唔可以一次過食兩隻。牛肉球唔係用腐皮放底、而係用菜有啲失望，因為腐皮加「口急汁」好好味的><!