林記小食

營業中

休息中

街頭小食，你講得出，佢哋都有，價錢唔貴，仲開到深宵，呢d咪要👍！腸粉係必食，最低消費10蚊4條，抵絕同區！全醬食，包好食，佢哋有自家辣汁，但我把食開余均益嘅嘴就覺得無謂落，如果外賣走，自己加tabasco 好過。燒賣不過不失，可能同豉油有關；粉粿大大個，皮厚饀少就預咗；炒麵梗係唔係即刻炒；魚蛋都可以但唔出色（旺角旦王好食好多）；豬皮乾淨爽口；糍飯自己包，誠意製作......服務唔好講，你最緊要自己醒，睇定心水大聲落單，阿姐就會即刻處理。提醒一句：外賣最好自己帶盒，因為佢哋d盒，無論你點拎，都會漏晒d豉油出嚟......一身都係就無謂啦！