金拇指米線 (福至工業大廈)

營業中

休息中

係附近返工，附近選擇都頗多，平時好少嚟呢間食。最近見到呢間食堂貼咗張新嘅成都小巷兩餸飯嘅菜單，就入咗嚟𥄫吓。望完之後對佢嘅兩餸飯無乜興趣，而呢間食堂下午茶餐就嗌得，最後叫咗個下午茶餐炒貴刁食。呢間食堂以快餐模式，係門口買飛，張飛有號碼，正想坐低之際，收銀個呀姐大聲嗌過嚟話要比飛㕑房。咁無問題就比咗飛㕑房，坐底要留意嗌號碼，雖然四圍都有mon但只有㕑房門口個mon有開，顯示可以拎餐嘅號碼。可能因為係炒嘢，等咗差唔多10分鐘，後面嘅號碼都嗌咗好幾個先出到個炒貴刁。見到個貴刁嗰陣都覺得有少少問題，比平常見到嘅深色，一食落去勁咸。以後都唔會再嚟。