小甜谷 Dessert Kaffee (已結業)

小甜谷開左咁耐，真係未試過可能我始終唔係好甜之人不過有咸野食又唔同咁講，就一次過試晒佢啲野得唔得個湯相當有水準，似乎係新鮮煮出嚟唔係是但煮好一大煲潷出嚟果隻松露味好香，配果個茄乾飽都係好野嚟，鬆軟咸香呢個真係不得了感覺就好似插支飲筒落去啜個菠蘿咁其實係將個菠蘿起肉，榨汁，再放返入個菠蘿入面絕對係原汁原味，真係冰都無加粒落去所以飲落唔會好冰凍，但味道肯定係頂級主菜到，隻蝦比想像中還要大，可能睇相真係未必感受到實際大細比手掌還要長扁意粉係黑胡椒做主要調味食落充滿胡椒香，又唔算太辣，好特別實在估唔到一個甜品，係可以飽到成個主菜咁望落都覺膩，但係又出奇咁好味多士外層好香脆，入面浸滿蛋漿，好軟滑真正外脆內軟，本身唔係好甜，可以沾少少淡黃色嘅焦糖醬不過無兩個人，千其唔好食呢個，因為個份量真係不容小看...其實驚嘉都幾大，可能通常對藝人開嘅餐廳無大信心不過呢餐真係有啲改觀，睇得出食物好用心去做亦放左唔少心思去創新，值得一試再試